چینی کمپنی آئندہ سال پاکستان میں تیار الیکٹرک گاڑی متعارف کرائیگی
کراچی (رائٹرز )چین کی الیکٹرک گاڑیاں بنانے والی کمپنی BYD نے اعلان کیا ہے کہ وہ 2026 ئکے جولائی یا اگست تک پاکستان میں اسمبل کی گئی اپنی پہلی گاڑی مارکیٹ میں لے آئیگی۔
یہ منصوبہ پاکستان میں تیزی سے بڑھتی ہوئی الیکٹرک اور ہائبرڈ گاڑیوں کی طلب کو مدنظر رکھتے ہوئے شروع کیا گیا ہے ۔یہ گاڑیاں کراچی کے قریب ایک نئے پلانٹ میں تیار کی جائیں گی، جو اپریل 2025 ئمیں تعمیر کے مرحلے میں داخل ہوا تھا۔ابتدائی طور پر اس فیکٹری میں سالانہ 25000 گاڑیاں تیار کرنے کی صلاحیت ہوگی۔ پہلے مرحلے میں گاڑیوں کو درآمد شدہ پرزوں سے اسمبل کیا جائے گا، جبکہ کچھ پرزے مقامی سطح پر بھی بنائے جائیں گے ۔پہلے مرحلے میں تیار کی جانے والی گاڑیاں صرف پاکستان میں ہی فروخت ہوں گی، لیکن مستقبل میں کمپنی انہیں دوسرے دائیں-ہینڈ ڈرائیو (Right-hand drive) ممالک کو بھی برآمد کرنے پر غور کرے گی۔ تاہم اس کا انحصار ٹرانسپورٹ لاگت اور کاروباری مفادات پر ہوگا۔
