مقبول گوندل 16ستمبر کو آڈیٹر جنرل کا عہدہ سنبھالیں گے ،نوٹیفکیشن جاری
اسلام آباد(نیوز رپورٹر)صدرِ مملکت آصف علی زرداری نے مقبول احمد گوندل کو آڈیٹر جنرل پاکستان تعینات کر دیا۔
اسٹیبلشمنٹ ڈویژن کے نوٹیفکیشن میں بتایا گیا ہے کہ گریڈ 22 کے افسر مقبول احمد گوندل اس وقت کنٹرولر جنرل آف اکاؤنٹس کے عہدے پر فائز ہیں۔ آئین کے آرٹیکل 168(1)کے تحت آڈیٹر جنرل پاکستان کے عہدے پر تعیناتی کی گئی ہے ۔ موجودہ آڈیٹر جنرل اجمل گوندلکی مدت آئندہ ماہ 15 ستمبر کو مکمل ہوگی، 16ستمبر کو مقبول احمد گوندل عہدہ سنبھالیں گے ۔ ان کی مدتِ ملازمت چار سال ہوگی۔ انہوں 2 فروری 2026 کو 60 سال عمر پوری ہونے پر ملازمت سے ریٹائرڈ ہونا تھا۔
روزنامہ دنیا ایپ انسٹال کریں
