بیوی کا خاتون اوراسکی بیٹی پرتشدد ، ڈپٹی اٹارنی جنرل سلمان خورشید برطرف
لاہور،ملتان (مانیٹرنگ ڈیسک،نیوز ایجنسیاں ) ملتان میں ڈپٹی اٹارنی جنرل کی اہلیہ نے موٹرسائیکل سوار خاتون اور اس کی بیٹی کو تشدد کا نشانہ بنادیا، واقعہ کی ویڈیو وائرل ہونے پر وزیراعظم نے ڈپٹی اٹارنی جنرل سلمان خورشید کو عہدے سے برطرف کردیا۔
میڈیا رپورٹ کے مطابق ملتان میں میمونہ نامی خاتون بائیک پر بیٹی کے ہمراہ جارہی تھی ، اس دوران بائیک ڈپٹی اٹارنی جنرل کی اہلیہ زاہدہ خورشید کی گاڑی سے جا ٹکرائی، جس پر زاہدہ خورشید نے اپنے بیٹے اور بہن کے ہمراہ میمونہ، ان کی بیٹی اور داماد کو بہیمانہ تشدد کا نشانہ بنایا،کینٹ پولیس نے 17 اگست کو واقعے کا مقدمہ درج کرکے تینوں ملزموں کو گرفتار کیا ،بعدازاں ملزموں نے ضمانت کرا لی۔دوسری طرف وزیراعظم شہباز شریف نے سوشل میڈیا پر ویڈیو وائرل ہونے پر سلمان خورشید کو عہدے سے ہٹا دیا ۔
روزنامہ دنیا ایپ انسٹال کریں
