پاک نیوی کا بحیرہ عرب میں آپریشن 30 لاکھ ڈالر کی منشیات ضبط
کراچی (خبر ایجنسیاں) پاکستان نیوی کے جہاز یمامہ نے ریجنل میری ٹائم سکیورٹی پٹرول کے دوران بحیرہ عرب میں ایک کامیاب اینٹی نارکوٹکس آپریشن انجام دیتے ہوئے 1500 کلوگرام چرس برآمد کرلی، جس کی مالیت تقریباً 30 لاکھ امریکی ڈالر ہے ۔
آئی ایس پی آر کے مطابق سمندر میں منشیات کی اس کامیاب روک تھام سے پاکستان نیوی کے بحری حدود میں غیر قانونی سرگرمیوں کے انسداد کے پختہ عزم کا واضح اظہار ہوتا ہے ،پاکستان نیوی قومی بحری مفادات کے تحفظ اور سمندری حدود میں مؤثر نگرانی کے لیے باقاعدگی سے RMSP کے تحت گشت سرانجام دیتی ہے ۔ نیوی خطے اور دنیا کے اہم شراکت داروں کے ساتھ مشترکہ اور مربوط سکیورٹی اقدامات میں بھی سرگرم کردار ادا کر رہی ہے ، جس سے ایک محفوظ اور مستحکم بحری ماحول کو فروغ مل رہا ہے ۔
روزنامہ دنیا ایپ انسٹال کریں
