عرفان صدیقی کی خالی نشست پر عابد شیر علی بلا مقابلہ سینیٹر منتخب
اسلام آباد(دنیا نیوز، نامہ نگار، مانیٹرنگ ڈٰیسک)مرحوم سینیٹر عرفان صدیقی کی خالی نشست پر مسلم لیگ (ن) کے عابد شیر علی بلا مقابلہ سینیٹر منتخب ہو گئے۔
پنجاب کی جنرل نشست پر ہونے والے سینیٹ کے ضمنی الیکشن میں مجموعی طور پر تین امیدواروں نے کاغذات نامزدگی جمع کروائے ، ان میں عابد شیر علی، احسن افضل خان اور عبدالجبارشامل ہیں۔ مدمقابل احسن افضل اورعبدالجبار نے کاغذات نامزدگی واپس لے لیے جس کے بعد عابد شیرعلی بلامقابلہ سینیٹرمنتخب ہوئے ،تحریک انصاف کی جانب سے کسی نے کاغذات جمع نہیں کروائے ۔وزیرِ اعظم شہباز شریف نے عابد شیر علی کو سینیٹ انتخابات میں بلا مقابلہ کامیابی پر مبارکباد دی اور مستقبل کیلئے نیک خواہشات کا اظہار کیا۔وزیرِ اعظم نے کہا کہ عابد شیر علی عوامی خدمت کے حوالے سے اپنا بھرپور کردار ادا کریں گے۔
روزنامہ دنیا ایپ انسٹال کریں
