وزیرخزانہ سے امریکی کمپنی وفد کی ملاقات، سرمایہ کاری میں دلچسپی
پاکستان ڈیجیٹل اثاثوں کے شعبے میں ابتدائی مگر اہم مرحلے میں داخل ہو چکا ،اورنگزیب
اسلام آباد(دنیا رپورٹ)امریکا کی معروف کمپنی آئی کوائن نے پاکستان میں ڈیجیٹل مالی نظام کے امکانات کو روشن قرار دیا جبکہ وفاقی وزیر خزانہ سینیٹر اورنگزیب نے کہا کہ پاکستان ڈیجیٹل اثاثوں کے شعبے میں ابتدائی مگر اہم مرحلے میں داخل ہو چکا ہے ۔وفاقی وزیر خزانہ محمد اورنگزیب سے امریکی ڈیجیٹل کمپنی آئی کوائن ٹیکنالوجی کے وفد کی ملاقات ہوئی ۔امریکی کمپنی نے پاکستان میں سرمایہ کاری میں گہری دلچسپی کا اظہار کیا اور بلاک چین، اسٹیبل کوائنز اور کم لاگت ڈیجیٹل مالی نظام کے فوائد سے آگاہ کیا۔وزیر خزانہ نے بینکوں اور متعلقہ ریگولیٹرز کے درمیان رابطے بڑھانے کی ہدایت کی اور کہا کہ پاکستان ڈیجیٹل اثاثوں کے شعبے میں ایک ابتدائی مگر اہم مرحلے میں داخل ہو چکا ہے ۔
روزنامہ دنیا ایپ انسٹال کریں
