پاکستان، برطانیہ کے قانونی اداروں میں تعاون ضروری:چیف جسٹس
ججز اور وکلا کی پیشہ ورانہ تربیت، قانونی تعلیم، استعداد کار کو مزید بہتر بنایا جا سکتا ہے
اسلام آباد (اے پی پی)چیف جسٹس پاکستان یحیی آفریدی نے کہا ہے کہ پاکستان اور برطانیہ کے عدالتی و قانونی اداروں کے درمیان تعاون ضروری ہے ، اس سے ججز اور وکلا کی پیشہ ورانہ تربیت، قانونی تعلیم اور استعداد کار کو مزید بہتر بنایا جا سکتا ہے ، انہوں نے یہ بات انگلینڈ اینڈ ویلز ہائی کورٹ کے کنگز بینچ ڈویژن کے جج جسٹس مارٹن گریفتھس سے ملاقات کے دوران کہی جو پاکستان کے دورے پر ہیں۔ پاکستان اور برطانیہ کے درمیان عدالتی تربیت، پیشہ ورانہ ترقی اور استعداد کار بڑھانے کے شعبوں میں ادارہ جاتی تعاون کے فروغ پر تبادلہ خیال کیا گیا۔ ججز کی تربیت اور عدالتی تعلیم، وکلا کی تربیت، قانونی تعلیم اور پیشہ ورانہ ترقی میں تعاون کے امکانات پر غور کیا گیا۔
روزنامہ دنیا ایپ انسٹال کریں
Comments / رائے دیں
Share your thoughts. Comments are reviewed before they appear publicly.
Approved Comments