عاقب جاوید چیمپئنز ٹرافی تک وائٹ بال ٹیم کے ہیڈ کوچ
لاہور(سپورٹس ڈیسک)پاکستان کرکٹ بورڈ نے سابق ٹیسٹ کرکٹر عاقب جاوید کو چیمپئنز ٹرافی تک قومی وائٹ بال ٹیم کا عبوری ہیڈ کوچ مقرر کردیا۔
پی سی بی کی جانب سے ایکس پر جاری اعلامیہ میں کہا گیا کہ سابق فاسٹ بالر عاقب جاوید پاکستان میں ہونے والی چیمپئنز ٹرافی 2025 تک قومی وائٹ بال ٹیم کے عبوری کوچ کی حیثیت سے ذمہ داریاں نبھائیں گے ۔ اعلامیہ کے مطابق اس عرصے کے دوران عاقب جاوید قومی مینز نیشنل ٹیم کے سلیکشن کمیٹی کے سینئر ممبر کے طور پر بھی اپنی ذمہ داریاں جاری رکھیں گے۔اس دوران، پاکستان کرکٹ بورڈ وائٹ بال ٹیم کے ہیڈ کوچ کی تلاش کا عمل جاری رکھے گی اور چیمپنز ٹرافی کے اختتام تک یہ تعیناتی کردی جائے گی۔
روزنامہ دنیا ایپ انسٹال کریں
