آئی سی سی وفد کا ایک بار پھر قذافی سٹیڈیم کا دورہ

لاہور(سپورٹس ڈیسک)آئی سی سی چیمپئنز ٹرافی سے قبل انٹر نیشنل کرکٹ کونسل کے ایک اعلیٰ سطحی وفد نے ایک بار پھر قذافی سٹیڈیم لاہور میں انتظامات کا جائزہ لیا۔
انٹر نیشنل کرکٹ کونسل کے ایک اعلیٰ سطحی وفد نے قذافی سٹیڈیم لاہور کا دورہ کیا اور تعمیراتی کام اور فنشنگ کے مرحلے کا جائزہ لیا۔وفد میں ہیڈ آف ایونٹس سارہ ایڈگر ، جی ایم کرکٹ وسیم خان ، شعبہ براڈ کاسٹ اور ایونٹس کے دیگر افراد شامل تھے ۔وفد نے مین بلڈنگ کے آفسز کی تعمیر کے کام اور پویلینز کی بلڈنگ کی فنشنگ کے کام بھی دیکھا۔