بابر ، رضوان ٹی 20،شاہین ، حارث ون ڈے ٹیم سے ڈراپ
لاہور(سپورٹس ڈیسک)پاکستان کرکٹ بورڈ نے دورہ نیوزی لینڈ کے لیے قومی ٹیم کے ون ڈے اور ٹی ٹونٹی سکواڈ کا اعلان کر دیا جس میں چار بڑے کھلاڑیوں کو ڈراپ کر دیا گیا ہے ۔ق
ومی ٹیم کے ون ڈے سکواڈ سے فاسٹ بالر شاہین شاہ آفریدی اور حارث رؤف جبکہ ٹی ٹونٹی سکواڈ سے محمد رضوان اور بابراعظم کو ڈراپ کر دیا گیا۔ڈومیسٹک کرکٹ میں عمدہ کارکردگی پر حسن نواز، عاکف جاوید، محمد علی اور عبدالصمد کی سکواڈز میں شمولیت ہوئی ہے ۔عاقب جاوید دورہ نیوزی لینڈ میں عبوری ہیڈ کوچ رہیں گے جبکہ محمد یوسف کوبیٹنگ کوچ مقرر کیا گیا ہے ۔ محمد رضوان کی جگہ سلمان علی آغا ٹی 20 ٹیم کے کپتان مقرر کر دئیے گئے ہیں جبکہ شاداب خان نائب کپتان ہوں گے ۔ نیوزی لینڈ کے خلاف ٹی ٹونٹی سیریز میں سلمان علی آغا ٹیم کی قیادت کریں گے ۔انہوں نے کہا کہ محمد رضوان ون ڈے ٹیم کی کپتانی کریں گے جبکہ صائم ایوب، کامران غلام، سعود شکیل اور محمد حسنین کو ون ڈے میں شامل نہیں کیا گیا۔ واضح رہے کہ پاکستان ٹیم نیوزی لینڈ میں 16 مارچ سے 5 اپریل تک پانچ ٹی ٹونٹی انٹرنیشنل اور تین ون ڈے انٹرنیشنل کھیلے گی۔ون ڈے سکواڈ میں کپتان محمد رضوان، نائب کپتان سلمان علی آغا، عبداللہ شفیق، امام الحق،طیب طاہر ،بابراعظم، ابرار احمد، عاکف جاوید، فہیم اشرف، خوش دل شاہ، محمد علی، محمد وسیم جونیئر، محمد عرفان خان، نسیم شاہ، سفیان مقیم،ٹی ٹونٹی ٹیم میں کپتان سلمان علی آغا، نائب کپتان شاداب خان، عبدالصمد، ابرار احمد، حارث رؤف، حسن نواز، جہانداد خان، خوش دل شاہ، محمد عباس آفریدی، محمد علی، محمد حارث، محمد عرفان خان، عمیر بن یوسف، شاہین شاہ آفریدی، سفیان مقیم، عثمان خان شامل ہیں۔
