وٹس ایپ نے سپیکر سپاٹ لائٹ فیچر متعارف کرا دیا
کیلیفورنیا(نیٹ نیوز)وٹس ایپ نے اپنے ویب ورژن کے لیے آڈیو سپورٹ کے ساتھ سکرین شیئرنگ اور نیا سپیکر سپاٹ لائٹ فیچر متعارف کرا دیا۔
رپورٹس کے مطابق نئی اسپیکر اسپاٹ لائٹ اپ ڈیٹ ویڈیو کال پر بات کرنے والے صارف کو خود بخود نمایاں کرنے کی صلاحیت رکھتی ہے ۔رپورٹس میں یہ بھی بتایا گیا کہ پلیٹ فارم نے ویڈیو کال پر شرکاء کی تعداد 32 تک بڑھا دی ہے ۔اس کے علاوہ واٹس ایپ کی مالک کمپنی میٹا نے ایپ پر میٹا لو بِٹ ریٹ(ایم لو) کوڈیک فیچر بھی متعارف کرایا ہے جس کا مقصد خراب نیٹ ورک یا پرانی ڈیوائس میں کال کے معیار کو بہتر کرنا ہے۔ یہ سہولت انسٹاگرام اور میسنجر کالز کے لیے پہلے سے ہی دستیاب ہے اور اب اس کو میٹا کے تمام پلیٹ فارم کا تجربہ بہتر بنانے کے لیے واٹس ایپ پر بھی جاری کیا جا رہا ہے ۔کمپنی کی جانب سے یہ نئی اپ ڈیٹ آئندہ چند ہفتوں میں صارفین کے لیے متعارف کرا دی جائے گی۔
