بحیرہ احمر میں مچھلی کی نئی قسم ’بدمزاج‘ دریافت
فراسان(نیٹ نیوز) سائنسدانوں نے بحیرہ احمر میں مچھلی کی ایک نئی قسم دریافت کرتے ہوئے ’بدمزاج‘ کا نام دیا ہے ۔
اس مچھلی کا سائنسی نام سویوٹا ایتھون ہے ۔ محققین نے اسے بدمزاج کے طور پر بیان کیا جنہوں نے سمندر میں مرجان کی چٹانوں میں اس مخلوق کا سراغ لگایا۔حال ہی میں شائع ہونے والی تفصیلی تحقیق میں کہا گیا ہے کہ مچھلی کا نام اس کی ظاہری بدمزاج اور ناخوش شکل ہونے کی وجہ سے دیا گیا ہے جس کی بڑی وجہ اس کے منہ کی انتہائی اونچی پوزیشن ہے ۔ مچھلی کا سائز 2 سینٹی میٹر سے بھی کم ہے اور اس کا تعلق گوبیڈی خاندان کی مچھلیوں سے ہے ۔ اس نسل میں تقریباً 2,000 اقسام کی مچھلیاں شامل ہیں۔کنگ عبداللہ یونیورسٹی آف سائنس اینڈ ٹیکنالوجی اور واشنگٹن یونیورسٹی کے محققین کی ٹیم نے اس مچھلی سے متعلق رپورٹ پیش کی۔
روزنامہ دنیا ایپ انسٹال کریں
