دلہے کیلئے ایک لاکھ روپے کے نوٹوں کا 35فٹ لمباہار
بھکر(نیٹ نیوز)صوبہ پنجاب کے علاقے بھکر میں ایک دُلہے کا نوٹوں کا ہار وائرل ہوگیا ، جو اسے بھائی کی طرف سے تحفے میں ملا۔
دولہے کے بھائی نے تقریباً 1 لاکھ روپے کا ہار بنوایا جس کی لمبائی 35 فٹ ریکارڈ کی گئی،اس ہارکو کوٹلہ جام میں 75 کے 200 نوٹ اور 50 کے 1700 نوٹوں سے تیار کیا گیا تھا۔ شادی کا تحفہ سوشل میڈیا پر وائرل ہونے کے بعد موضوع بحث بن گیا ۔ کرنسی نوٹوں کے علاوہ اس ہار میں پھول اور رنگ برنگے ربن بھی شامل تھے ، جیسے ہی دولہا پنڈال میں داخل ہوا دو لوگوں نے احتیاط سے دُلہے کے گلے میں یہ ہار ڈالا اور جبکہ موقع پر موجود مہمانوں نے اس منظر کو کیمرے میں قید کیا اورسوشل میڈیا پر شیئر کردیا ۔ایک صارف نے لکھا کہ پاکستان میں کچھ بھی ہو سکتا ہے جبکہ ایک اور نے طنز کیا کہ اس نے پورے ملک کی جی ڈی پی پہن رکھی ہے ۔
روزنامہ دنیا ایپ انسٹال کریں
