لاپتہ کتے کو تھرمل ڈرون کی مدد سے تلاش کر لیا
الینائے(نیٹ نیوز)امریکی ریاست الینائے میں لگ بھگ ایک ہفتے قبل لاپتہ ہونے والے کتے کو تھرمل ڈرون کی مدد سے تلاش کرلیا گیا۔
کرسٹل لیک کی کیٹ بلمونٹ اور ڈیوڈ نوواک نے اس حوالے سے بتایا کہ انکا دو برس کا برنیز ماؤنٹین ڈاگ چارلی 30 دسمبر سے انکے گھر سے لاپتہ ہوگیا تھا۔ اسے کئی روز تک تلاش کیا گیا لیکن کوئی سراغ نہ ملا جس کے بعد دونوں میاں بیوی نے ڈاگ گون پیٹ ریکوری سے رابطہ کیا۔جنھوں نے کتے کی تلاش کے لیے ایک تھرمل ڈرون کا استعمال کیا ٹیم کی معاونت کے لیے ایک دوسرا ڈرون جسے سٹیمک ایئر سے مائیک نامی شخص آپریٹ کر رہا تھا، انھوں نے چارلی کو ہنٹلے اینڈ ایکمین روڈ کے قریب موجود پایا جو کہ اس جوڑے کے گھر سے دو منٹ کے فاصلے پر ہے ۔کیٹ بلمونٹ کے مطابق کتا ایک پارک کی لمبی گھاس میں چھپا ہوا تھا۔ جہاں سے اسے نکال کر اسکی ٹوٹی ہوئی ٹانگ کی سرجری کروائی گئی۔
