فوڈ اتھارٹی کی کارروائی، 2565 لٹر دودھ اور ایکسپائرڈ اشیا ضبط
فوڈ سیفٹی ٹیموں نے اشیائے ضروریہ کے معیار کو جانچنے کے لیے 94 انسپکشنز کیں
چنیوٹ (ڈسٹرکٹ رپورٹر)ڈی جی پنجاب فوڈ اتھارٹی کی ہدایات پر چنیوٹ میں صحت دشمن عناصر کیخلاف کارروائیاں جاری ہیں۔ شہر کے داخلی و خارجی راستوں پر ناکہ بندی کر کے دودھ بردار گاڑیوں میں موجود 2565 لیٹر سے زائد دودھ کی جانچ کی گئی۔ضلع بھر میں فوڈ سیفٹی ٹیموں نے اشیائے ضروریہ کے معیار کو جانچنے کے لیے 94 انسپکشنز کیں۔ ڈپٹی ڈائریکٹر آپریشنز ڈاکٹر محمد قاسم رضا نے بتایا کہ قوانین کی سنگین خلاف ورزیوں پر 42 ہزار روپے کے جرمانے عائد کیے گئے ۔معائنہ کے دوران کریانہ سٹورز سے آدھا کلو سے زائد ایکسپائرڈ اشیاء اور 12 لیٹر سے زائد المیعاد کولڈ ڈرنکس برآمد کی گئیں۔ ایکسپائرڈ کولڈ ڈرنکس اور دیگر خوردنی اشیاء تلف کر دی گئیں اور متعلقہ دکانداروں پر جرمانے عائد کیے گئے ۔
روزنامہ دنیا ایپ انسٹال کریں
