ڈپٹی کمشنر جھنگ کا ڈسٹرکٹ ہیڈ کوارٹر ہسپتال کا اچانک دورہ
مختلف وارڈز کا معائنہ کیا، طبی سہولیات کا جائزہ لیا ، مریضوں سے ملاقات
جھنگ (ڈسٹرکٹ رپورٹر )وزیر اعلیٰ پنجاب مریم نواز شریف کی ہدایات پر ڈسٹرکٹ ہیڈ کوارٹر ہسپتال سمیت تحصیل ہیڈ کوارٹر ہسپتالوں میں علاج معالجہ اور جدید طبی سہولیات کی فراہمی کو یقینی بنایا جا رہا ہے ۔ ضلعی انتظامیہ کی جانب سے ہسپتالوں میں مریضوں کی دیکھ بھال کو بہتر بنانے کے لیے براہِ راست نگرانی کا عمل جاری ہے ۔اس حوالے سے ڈپٹی کمشنر علی اکبر بھنڈر نے ڈسٹرکٹ ہیڈ کوارٹر ہسپتال کا رات گئے دورہ کیا۔
انہوں نے ہسپتال کے مختلف وارڈز کا معائنہ کیا، طبی سہولیات کا جائزہ لیا اور زیر علاج مریضوں سے ملاقات کی۔ اس کے ساتھ ساتھ لواحقین سے بھی علاج معالجے کے بارے میں دریافت کی گئی۔ڈپٹی کمشنر نے ہدایت کی کہ ڈاکٹرز کی حاضری کو یقینی بنایا جائے اور ایمرجنسی، میڈیسن سٹور اور دیگر شعبہ جات کا مکمل جائزہ لیا جائے ۔
