گوندانوالہ : نشے کے جھگڑے پر بھائی کو چھری مار کر زخمی کر دیا
لدھیوالہ وڑائچ (نامہ نگار) گوندانوالہ میں ایک گھر میں نشہ کے لیے پیسے نہ دینے پر جھگڑا بڑھ گیا، جس کے دوران بڑے بھائی کو چھوٹے بھائی نے چھری کے وار کر کے زخمی کر دیا۔
ذرائع کے مطابق تھانہ اروپ کے علاقہ گوندانوالہ کا رہائشی 37 سالہ ساجد علی نشہ کا عادی تھا اور آئے روز گھر والوں سے پیسے مانگتا اور نہ دینے پر جھگڑا کرتا رہتا تھا۔ گزشتہ روز بھی پیسے نہ ملنے پر ساجد علی نے گھر میں گالم گلوچ شروع کر دی۔ طیش میں آ کر اس کا چھوٹا بھائی بابر نے چھری کے وار کر کے اسے زخمی کر دیا اور موقع سے فرار ہو گیا۔عالم چوک چوکی پولیس نے زخمی کو فوری طور پر طبی امداد کے لیے ہسپتال منتقل کر دیا ہے ، جبکہ ملزم کی تلاش جاری ہے ۔
روزنامہ دنیا ایپ انسٹال کریں
