اسلام آباد، بدبخت بیٹے نے بازار میں باپ کو قتل کر دیا
واقعہ سہالہ بازار میں پیش آیا، بیچ بچائو کیلئے آنیوالا بھائی بھی فائرنگ سے زخمی
اسلام آباد (خصوصی رپورٹر) سہالہ بازار کے مصروف تجارتی علاقے میں گزشتہ روز ایک شخص نے مبینہ طور پر اپنے ہی باپ کو گولی مار کر قتل کر دیا، بیچ بچائو کیلئے آنے والے بھائی کو بھی شدید زخمی کر دیا، ملزم کو پولیس نے موقع پر گرفتار کر لیا۔ جہاں ان کی حالت تشویشناک بتائی جا رہی ہے۔ واقعے کے فوری بعد ملزم فرار ہونے کی کوشش کر رہا تھا تاہم پولیس نے بروقت کارروائی کرتے ہوئے اسے گرفتار کر لیا، پولیس نے ملزم سے واردات میں استعمال ہونے والا اسلحہ بھی برآمد کر لیا ہے۔ علاقے کے تاجروں اور مکینوں میں واقعے کے بعد شدید خوف و ہراس پھیل گیا ہے۔ پولیس حکام کا کہنا ہے کہ مقتول کی لاش کو پوسٹ مارٹم کیلئے ہسپتال بھیج دیا گیا ہے، واقعے کا مقدمہ درج کر لیا گیا ہے۔
روزنامہ دنیا ایپ انسٹال کریں
