2ٹانگوں سے معذور کتے کو چلنے پھرنے کیلئے پہیے لگا دئیے گئے
امریکہ میں پیدائشی طور پر دو ٹانگوں سے محروم کتے کو پہیے لگا دئیے گئے..
واشنگٹن (نیٹ نیوز) جس کے بعد وہ عام کتوں کی طرح دوڑنے بھاگنے لگا۔میڈیا رپورٹس کے مطابق یہ کتا ایک جینیاتی خرابی کے باعث پیدائشی طور پراپنی اگلی دو ٹانگوں سے محروم تھا، اس کی اگلی دو ٹانگیں پوری طرح سے نشوونما نہیں پاسکی تھیں۔ابتدا میں یہ رینگ کر چلتا تھا، تاہم جلد ہی اسے ویٹرن ٹیکنیشن نے گود لے لیااوراس نے کچھ عرصے بعد کتے کیلئے خصوصی پہیے بنائے ، ان پہیوں کا سائز کتے کے قد کے حوالے سے تبدیل کیا جاتا رہا۔ ابتدا میں کتے کو ان پہیوں کے ساتھ چلنے میں مشکلات کا سامنا کرنا پڑا،بعدمیں اسے باقاعدہ پریکٹس کروائی گئی جس کے بعد کتا ان پہیوں کا عادی ہوگیااوراب ان پہیوں کے ساتھ یہ ننھا سا کتا ہر جگہ آسانی سے گھومتا پھرتا ہے۔
روزنامہ دنیا ایپ انسٹال کریں
