تھائی لینڈ میں ڈیتھ تھیم کیفے کا افتتاح تابو ت میں لیٹنے والوں کیلئے ڈسکاؤنٹ
تھائی لینڈ میں انسانی ڈھانچے اور تابوت سے سجا ڈیتھ تھیم کیفے لوگوں کی توجہ کا مرکز بنا ہوا ہے
بنکاک (نیٹ نیوز )تھائی لینڈ میں انسانی ڈھانچے اور تابوت سے سجا ڈیتھ تھیم کیفے لوگوں کی توجہ کا مرکز بنا ہوا ہے ۔میڈیارپورٹس کے مطابق تھائی لینڈ کے دارالحکومت بنکاک میں ڈیتھ کیفے کھولا گیا ہے جس میں نہ صرف موت و زندگی پر مبنی مختلف پیغامات کی تختیاں لگائی گئی ہیں بلکہ انسانی ڈھانچوں اور تابوت سے سجایا گیا ہے جبکہ تابوت میں بند ہونے والوں کو ڈسکاؤنٹ بھی دیا جاتا ہے ۔منفرد نوعیت کا یہ ڈیتھ کیفے عوام کی توجہ کا مرکز بنا ہوا ہے جہاں آنے والے افراد ڈھانچوں کے ساتھ تصاویر لینے اور تابوت میں لیٹنے کا شوق خوب پورا کر رہے ہیں۔نوجوانوں کی بڑی تعداد نے اس کیفے کو وقت گزارنے کیلئے استعمال کرنا شروع کردیاہے اور یہاں بنائی ہوئی تصاویر کو سوشل میڈیا پر شیئر کرکے دلچسپ اور حیرت انگیز پیغامات کا سلسلہ شروع کررکھاہے ۔سوشل میڈیا صارفین نے ڈیتھ کیفے کے آئیڈیا کو بہترین قراردے دیاہے ۔
