کاسی کانفرنس آج سے شروع، صدرفیڈریشن نمائندگی کرینگے
سنگارپور /اسلام آباد(آئی این پی )وفاقی چیمبر کے صدرعاطف اکرام شیخ کی سنگاپور میں 38ویں کاسی کانفرنس اور ایشیا پیسیفک اکنامک فورم میں پاکستان کی نمائندگی۔۔۔
دو روزہ کاسی کانفرنس 11 اور 12 نومبر کو سنگاپور میں ہو رہی ہے جس میں دنیا بھر سے بزنس نمائندوں اور چیمبرز آف کامرس اینڈ انڈسٹری کے وفود شرکت کر رہے ہیں ۔کانفرنس کے ایجنڈے میں ایس ایم ایز کی ترقی ،موثر پبلک پرائیویٹ پارٹنر شپ ، پائیدار مستقبل کیلئے اسمارٹ ایگریکلچر و دیگر شامل ،کانفرنس میں بزنس آئیڈیاز ، انٹرپرینیور شپ کے فروغ اورکاروباری شراکت داری بڑھانے پر تبادلہ خیال کیا جائیگا۔ اس موقع پر صدر ایف پی سی سی آئی عاطف اکرام شیخ نے کہا کہ عالمی کانفرنس میں پاکستان کی نمائندگی پر فخر ہے ،ملک میں بیرونی سرمایہ کاری لانا فوکس ہو گا ، ایشیائی ممالک کو سرکاری اور نجی شعبوں میں اپنی شراکت داری کوبڑھانے کی اشد ضرورت ہے۔
