ملک میں تیل و گیس کی یومیہ پیداوار میں 2فیصد اضافہ ریکارڈ
اسلام آباد(مانیٹرنگ ڈیسک)تیل وگیس کی یومیہ پیداوار 2 فیصد جبکہ رواں مالی سال کے پہلے 4 ماہ میں پٹرولیم مصنوعات کی فروخت 2 فیصد بڑھ گئی۔پٹرولیم انفارمیشن سروسز کے اعدادوشمار کے مطابق 31 اکتوبر کو ختم ہونے والے ہفتے کو ملک میں خام تیل کی اوسط یومیہ پیداوار 65582 بیرل ریکارڈ کی گئی۔۔
پیوستہ ہفتے یومیہ پیداوار 64467 بیرل تھی،گیس کی اوسط یومیہ پیداوار 2737 ایم ایم سی ایف ڈی رہی جو پیوستہ ہفتے کی یومیہ پیداوار 2694 ایم ایم سی ایف ڈی سے دوفیصد زائد ہے ۔ادھر آئل کمپنیز ایڈوائزری کونسل کے مطابق جولائی سے اکتوبرتک پٹرولیم مصنوعات کی فروخت 5.18 ملین ٹن رہی، جوکہ گزشتہ مالی سال کی اسی مدت سے 2 فیصد زائد ہے ۔اسٹیٹ بینک کے مطابق پہلی سہ ماہی میں فرانس،جرمنی و مغربی یورپی ممالک کو برآمدات سے 1.165 ارب ڈالر حاصل ہوئے ، جوگزشتہ مالی سال کی اسی مدت کی برآمدات سے 16.23 فیصد زائد ہے ۔
