شمالی امریکی ممالک کو برآمدات میں 10.19 فیصد اضافہ
اسلام آباد(اے پی پی)پاکستان سے شمالی امریکی ممالک کو گزشتہ مالی سال کے ابتدائی 11 ماہ کے دوران کی جانے والی برآمدات میں 10.19 فیصد اضافہ ہوا۔
اسٹیٹ بینک کے مطابق گزشتہ مالی سال جولائی 2024 تا مئی 2025 کے دوران برآمدات کا حجم 5.91 ارب ڈالر تک پہنچ گیا جبکہ جولائی 2023 تا مئی 2024 کے دوران شمالی امریکی ممالک کو کی جانے والی برآمدات سے 5.363 ارب ڈالر زر مبادلہ حاصل ہوا تھا۔ اس طرح 11 مہینوں میں شمالی امریکا کو کی جانے والی برآمدات میں 0.547 ارب روپے یعنی 10.19 فیصد کی بڑھوتری ریکارڈ کی گئی ۔ رپورٹ کے مطابق اس دوران سب سے زیادہ برآمدات امریکا کو کی گئیں جو شمالی امریکا کو کی جانے والی مجموعی برآمدات کا 94 فیصد ہیں ۔گزشتہ مالی سال کے 11 ماہ میں شمالی امریکی ممالک کو کی جانے والی برآمدات میں 11.06 فیصد کا اضافہ ہوا اور برآمدات کا حجم 5.552 ارب روپے تک پہنچ گیا۔
