کمالیہ میں ڈی پی او ٹوبہ کی کھلی کچہری،احکامات جاری
جکھڑ (سٹی رپورٹر )ڈسٹرکٹ پولیس آفیسر ٹوبہ ٹیک سنگھ عبادت نثار نے سی ایم پنجاب مریم نواز کے احکامات ، انسپکٹر جنرل آف پولیس پنجاب ڈاکٹر عثمان انور اور ریجنل پولیس آفیسر ذیشان اصغر کی خصوصی ہدایت پر۔۔۔
عوام والناس کے مسائل سننے اور انہیں حل کرنے کیلئے ٹی ایم اے کمالیہ میں کھلی کچہری کا انعقاد کیا۔ کھلی کچہری میں مقامی افراد کی کثیر تعداد نے شرکت کی اور اپنی مختلف شکا یات اور مسائل پیش کئے ۔ڈی پی او ٹوبہ نے شہریوں کے مسائل سنے اور موقع پرہی ان کے حل کے احکامات جاری کئے ۔اس موقع پر ڈ ی پی او ٹوبہ عبادت نثار نے کہا کہ کھلی کچہری کا مقصدسٹی کمالیہ اور اس سے ملحقہ علاقہ جات کے لوگوں کے مسائل خود آ کر سننا تھا تاکہ عوام کو موقع پر انصاف فراہم کرکے ان کی شکایات کا ازالہ کیا جا سکے ۔ انہوں نے مزیدکہا کہ تھانہ سٹی اور صدر کے دیہی علاقے کے معززین اپنے اپنے دیہاتوں میں پولیس کے ساتھ مل کر ٹھیکری پہرہ کا معقول بندو بست کریں تا کہ دیہی علاقوں میں بھی جرائم پر قابو پایا جا سکے ، شہروں میں سٹریٹ کرائم پر قابو پانے کے لئے گشت کو مؤثر بنایا جا رہا ہے ۔
