جھنگ :ریونیو ریکوریز ،اے ڈی سی کی زیر صدارت جائزہ اجلاس
جھنگ (ڈسٹرکٹ رپورٹر )ایڈیشنل ڈپٹی کمشنر ریونیو ڈاکٹر امتیاز محسن نے ریونیو ریکوریز کا جائزہ لینے کے حوالہ سے اجلاس کی صدارت کی جس میں محکمہ مال کے افسران و سٹاف شریک تھے۔
اجلاس میں ریونیو ریکوریز کا تحصیل وائز جائزہ لیا گیا جبکہ اس حوالہ سے متعلقہ افسران کی طرف سے تفصیلی بریفنگ بھی دی گئی اور سرکاری واجبات، بقایا جات و دیگر متعلقہ امور بارے بھی تفصیلاً آگاہ کیاگیا۔اے ڈی سی ریونیو نے افسران کو ہدایات جاری کیں کہ وہ ریکوریز کے حوالے سے سونپے گئے ٹاسک مقررہ وقت میں مکمل کریں اور روزانہ کی بنیاد پر محکمانہ کارکردگی سے آگاہ کیا جائے ۔ انہوں نے مزید کہا کہ ریونیو افسران اپنی ذمہ داریوں کا ادراک کرتے ہوئے کارکردگی کا گراف بلند کریں تاکہ مقررہ اہداف حاصل کئے جا سکیں۔
روزنامہ دنیا ایپ انسٹال کریں
