ایف ڈی اے کی کالو نیوں میں تجاوزات کیخلاف آ پریشن
فیصل آباد (سٹاف رپورٹر)ڈائریکٹر جنرل ایف ڈی اے محمد آصف چودھری کی ہدایات پر ایف ڈی اے کے زیر کنٹرول رہائشی کالونیوں اور کمرشل مارکیٹس میں عارضی و پختہ تجاوزات کے خلاف بھرپور آپریشن جاری ہے۔
اس سلسلے میں ایف ڈی اے کی اینٹی انکروچمنٹ ٹیم نے وسیع کارروائی کرتے ہوئے ڈجکوٹ روڈ پر دکانداروں کے طرف سے قائم کی گئی عارضی تجاوزات کا صفایا کر دیا اور تجاوزات میں استعمال ہونے والا کاروباری سامان اٹھا کر قبضہ میں لے لیا گیا اس دوران12 دکانداروں کے خلاف چالان سپیشل جوڈیشل مجسٹریٹ کی عدالت میں بھجوا دیئے جو بار بار وارننگ کے باوجود تجاوزات کرنے سے باز نہیں آ رہے تھے ۔ ڈائریکٹر سٹیٹ مینجمنٹ ون جنید حسن منج کی زیر نگرانی سٹیٹ آفیسر انیب اسلم رندھاوا کی سربراہی میں ایف ڈی اے کی اینٹی انکروچمنٹ ٹیم نے انسپکشن کی تو ڈجکوٹ روڈ پر سٹیل اور اس سے تیار ہونے والی مختلف اشیا کا کاروبار کرنے والے دکانداروں اور گودام مالکان نے کاروباری سامان رکھ کر روڈ کو تنگ کیا ہوا تھا جس کے باعث ٹریفک کی روانی اور شہریوں کو آمدورفت میں مشکلات پیش آ رہی تھیں 12 دکانداروں کے خلاف چالان سپیشل جوڈیشل مجسٹریٹ کی عدالت میں بھجوا دیئے ۔
