ڈپٹی کمشنر کا امن و امان کیلئے قائم کنٹرول روم کا دورہ
فیصل آباد (سٹاف رپورٹر)محرم الحرام کے سلسلے میں ضلع بھر میں امن و امان کی فضا برقرار رکھنے اور سکیورٹی امور کی موثر نگرانی کیلئے قائم کئے گئے کنٹرول روم کا ڈپٹی کمشنر کیپٹن (ر) ندیم ناصر اور سٹی پولیس آفیسر بلال عمر نے دورہ کیا۔
ڈپٹی کمشنر آفس میں قائم اس جدید کنٹرول روم میں محرم کے جلوسوں، مجالس اور حساس مقامات کی براہ راست مانیٹرنگ کی جا رہی ہے ۔ڈپٹی کمشنر اور سی پی او نے کنٹرول روم میں نصب سی سی ٹی وی کیمروں،مانیٹرنگ سسٹم اور عملے کی کارکردگی کا تفصیلی جائزہ لیا۔ انہوں نے بتایا کہ کنٹرول روم کو جدید ٹیکنالوجی سے آراستہ کیا گیا ہے تاکہ عاشورہ کے دوران سکیورٹی اور ٹریفک کے نظام پر ہمہ وقت نظر رکھی جا سکے ۔ نے کہا کہ محرم الحرام کے دوران ضلعی انتظامیہ، پولیس، پاک فوج، رینجرز اور دیگر سکیورٹی ادارے مکمل طور پر الرٹ ہیں۔انہوں نے کہا کہ تمام جلوسوں اور مجالس کی لائیو مانیٹرنگ کی جا رہی ہے اور کنٹرول روم کا عملہ24 گھنٹے ڈیوٹی پر موجود ہے تاکہ کسی بھی ہنگامی صورت حال میں فوری کارروائی عمل میں لائی جا سکے ۔ انہوں نے کہا کہ شہریوں کے جان و مال کے تحفظ کو ہر صورت یقینی بنایا جائے گا اور کسی بھی شرپسند کو قانون ہاتھ میں لینے کی اجازت نہیں دی جائے گی۔
