چنیوٹ:ای پولیس ایپ سے مشکوک افراد ، گاڑیوں کی چیکنگ
چنیوٹ(ڈسٹرکٹ رپورٹر)وزیر اعلیٰ پنجاب مریم نواز کے ویژن محفوظ پنجاب کے تحت ضلع بھر میں عملی اقدامات جاری ہیں، ضلع بھر میں ای پولیس پوسٹ ایپ کے ذریعے مشکوک افراد اور گاڑیوں کی چیکنگ کا عمل جاری ہے۔۔۔
پولیس نے ایک ماہ میں ای پولیس پوسٹ ایپ کے ذریعے 28ہزار 370 افراد کو چیک کیا، گزشتہ ایک ماہ کے دوران پولیس نے ای پولیس پوسٹ ایپ کے ذریعے 25428وہیکلز کو چیک کیاگیا۔ ای پولیس پوسٹ ایپ سے چیکنگ کے دوران وارداتوں میں مطلوب 57 وہیکلز برآمد ہوئیں۔ ای پولیس پوسٹ چیکنگ کے دوران مختلف مقدمات میں مطلوب متعدد اشتہاری ملزم گرفتار کر لئے گئے ۔اس حوالے سے ڈسٹرکٹ پولیس آفیسر عبداﷲاحمد کا کہنا تھا کہ شہریوں کی زندگیوں کو محفوظ بنانے کے لیے ضلع بھر میں عملی اقدامات جاری ہیں، جدید ٹیکنالوجی کا بہترین استعمال کر کے جرائم پیشہ عناصر کیخلاف کاروائیاں مزید تیزی سے جاری ہیں،تمام ذرائع بروئے کار لاتے ہوئے شہریوں کی جان و مال کی حفاظت کو ہر صورت یقینی بنایا جائے گا۔
