شہریوں کی جان و مال کی حفاظت اولین ذمہ داری، ڈی آئی جی
اسلام آباد(خصوصی رپورٹر)ڈی آئی جی اسلام آباد سید علی رضا نے گزشتہ روز اپنے دفتر میں کھلی کچہری کا انعقاد کیا، ڈی آئی جی اسلام آباد نے شہریوں کے مسائل سنے اور ان کے فوری حل کیلئے متعلقہ افسران کو احکامات جاری کئے۔
ڈی آئی جی اسلام آباد نے کہا کہ شہریوں کی جان و مال کی حفاظت ہماری اولین ذمہ داری ہے، ان کے تمام ترمسائل کو ترجیحی بنیادوں پر حل کریں، رشوت یا بدعنوانی میں ملوث اہلکاروں کے خلاف سخت ایکشن لیا جائے گا۔ دریں اثنا انہوں نے گزشتہ روز پمز ہسپتال کا دورہ کیا، انہوں نے گزشتہ روز ٹر یفک حادثہ میں زخمی ہونے والے پولیس آفیسر یاسر شاہ کی عیادت کی، صحت اور علاج معالجہ سے متعلق دریافت کیا اور جلد صحت یابی اور نیک خواہشات کا اظہار کیا۔
روزنامہ دنیا ایپ انسٹال کریں
