جام صادق اور نیا پل جون تک مکمل ہوجائے گا
کراچی(اسٹاف رپورٹر)وزیر اعلیٰ سندھ سید مراد علی شاہ اور ورلڈ بینک کے اعلیٰ سطح کے 14 رکنی وفد نے اپنے کنٹری ڈائریکٹر مسٹر ناجے بنہسین کی قیادت میں صوبے میں جاری ۔۔
عالمی بینک کے فنڈ سے چلنے والے ترقیاتی منصوبوں کی پیشرفت کا جائزہ لیا۔ اجلاس میں صوبائی وزراء شرجیل میمن، ڈاکٹر عذرا فضل پیچوہو، ناصر شاہ، سعید غنی، سردار شاہ، جام خان شورو، میئر کراچی مرتضیٰ وہاب اور دیگرنے شرکت کی۔ اجلاس میں کراچی واٹر اینڈ سیوریج سروسز امپروومنٹ پروجیکٹ کے حوالے سے بتایا گیا کہ عالمی بینک نے اپریل 2024 میں کچھ شرائط کے ساتھ محدود بین الاقوامی ٹینڈر لگانے کی اجازت دی تھی ۔ اس کے نتیجے میں بولی کے دستاویزات کو حتمی شکل دی جا رہی ہے ، اور وہ 7 مئی 2024 تک محدود ممکنہ بولی دہندگان کو براہ راست بھیجے جائیں گے ۔ کے فور اضافی پروجیکٹ پر 256 ملین ڈالر لاگت کا تخمینہ ہے ۔ کراچی موبلٹی پروجیکٹ کے حوالے سے جام صادق پل اور ایک اور نیا پل یلو لائن بی آر ٹی کوریڈور تعمیر کیا جائے گا۔ ورلڈ بینک کی ٹیم کو بتایا گیا کہ جام صادق پل اور نئے پل کے ڈیزائن پر کام جاری ہے اور جون 2024 تک مکمل ہو جائے گا۔عالمی بینک کو بتایا گیا ہے کہ کراچی میں پراپرٹی ٹیکس سروے کیلئے بولی کی درخواست شائع کر دی گئی ہے ۔ بولیاں 23 مئی کو بینک کے نیٹ آپریشن نقصان کے بعد کھلیں گی۔
