لیاقت آباد ٹاؤن :پوزیشن حاصل کرنے والی طالبات میں لیپ ٹاپ تقسیم
کراچی (این این آئی)امیر جماعت اسلامی گلبرگ کراچی وسطی کامران سراج نے چیئرمین لیاقت آباد ٹاؤن فراز حسیب کے ہمراہ نواب صدیق علی خان اسکول یونین کمیٹی نمبر 07 میں منعقدہ تقریب میں لیاقت آباد ٹاون کے زیر انتظام چلنے والے اسکولوں کے 1300 طلبا و طالبات میں مفت تدریسی نصاب، اسکول بیگز، اور سرکاری اسکولوں میں نمایاں پوزیشن حاصل کرنے والی طالبات کو لیپ ٹاپ تقسیم کئے ۔
امیر جماعت اسلامی گلبرگ کراچی وسطی کامران سراج نے کہا کہ جماعت اسلامی کراچی کے حق اور اختیارات کے لئے جدوجہد کررہی ہے ، عوام کے تعاون سے ہم لیاقت آباد ٹاون اور کراچی کی تعمیر کریں گے ، فراز حسیب نے کہا کہ ہمارے زیر انتظام 26 اسکول ہیں ہماری کوشش ہے ان اسکولوں میں بہترین تعلیم فراہم کی جائے ، لیاقت آباد کی پہچان کو بدل دیا گیا۔ ہم ایک بار پھر لیاقت آباد کو اس کی اصل پہچان دیں گے ۔ لیاقت آباد ٹان کے تمام محکمے عوامی خدمت اور بلدیاتی سہولتوں کی فراہمی کے لئے مصروف عمل ہیں۔
