جیکب آباد : قتل کیس میں نامزد ملزم ہتھکڑیوں سمیت فرار
جیکب آباد (این این آئی) جیکب آباد کی تحصیل ٹھل کی سول کورٹ میں قتل کیس میں نامزد ملزم پیشی کے بعد پولیس کی حراست سے فرار ہوگیا۔
ذرائع کے مطابق ملزم بشیر بنگلانی کو عدالت میں پیشی کے بعد واپس پولیس وین میں بٹھایا جا رہا تھا کہ اسی دوران ملزم نے موقع پاکر ہتھکڑیوں سمیت فرار ہوگیا۔ ملزم فرار ہونے کی اطلاع پر پولیس میں کھلبلی مچ گئی۔ علاقے میں ناکہ بندی کرکے تلاش شروع کردی گئی ہے ۔ مقتول کے ورثا نے واقعہ پر شدید ردعمل کا اظہار کرتے ہوئے اعلیٰ حکام سے نوٹس لینے اور غفلت کے مرتکب اہلکاروں کے خلاف سخت کارروائی کا مطالبہ کیا ہے۔
روزنامہ دنیا ایپ انسٹال کریں
