جرائم پیشہ افراد کے خلاف پولیس کی ہفتہ وار کارروائیاں،26گرفتار
کراچی(اسٹاف رپورٹر)ایڈیشنل آئی جی کراچی جاوید عالم اوڈھو کے احکامات کے مدنظر پولیس کی انسداد جرائم کے خلاف کامیاب کاروائیاں۔
گزشتہ ہفتے کے دوران شہر میں انسداد جرائم کے دوران ڈاکوؤں سے ضلعی پولیس کے 16 مقابلے ہوئے ، فائرنگ کے تبادلے میں 1 ڈاکو ہلاک 16 زخمی ڈاکوؤں سمیت 26 ملزمان کو گرفتارکیا گیا، گرفتار ملزمان سے 18 مختلف اقسام کا غیر قانونی اسلحہ اور 11 موٹر سائیکلیں برآمد کی گئیں۔پولیس نے گزشتہ ہفتے کے دوران کراچی کے ایسٹ، ویسٹ اور ساوتھ ذونز میں مجموعی طور پر 849 سے زائد ملزمان کو گرفتار کیا۔ مقابلوں کے دوران مختلف علاقوں سے لاکھوں روپے مالیت کی 64 کلو 312 گرام چرس، آئس/کرسٹل اور ہیروئن برآمد کی گئی۔گرفتار ملزمان سے شہریوں سے لوٹ مار اور دیگر وارداتوں میں استعمال شدہ 84 سے زائد مختلف اقسام کا غیر قانونی اسلحہ بمعہ ایمونیشن برآمد کیا گیا۔
روزنامہ دنیا ایپ انسٹال کریں
