اساتذہ کے جائز مسائل حل کئے جائیں،علامہ شبیر حسن میثمی
کراچی(اسٹاف رپورٹر)شیعہ علماء کونسل پاکستان کے مرکزی سیکریٹری جنرل علامہ شبیر حسن میثمی کا یوم معلم پر اپنے بیان میں کہنا ہے کہ اساتذہ کو علم و شعور کے چراغ روشن کر کے نئی نسلوں کی فکری و اخلاقی تربیت اور قومی تعمیر میں بنیادی کردار ادا کرنا چاہیے ۔
استاد کا پیشہ محض روزگار نہیں بلکہ ایک مقدس ذمہ داری ہے جس سے معاشروں کی بنیادیں مضبوط ہوتی ہیں۔ اساتذہ کرام قوم کے محسن اور معمار ہوتے ہیں مگر افسوس کہ وہ آج بھی کم تنخواہوں اور سروس اسٹرکچر جیسے مسائل سے دوچار ہیں، حکومتِ پاکستان اور نجی تعلیمی اداروں کے ذمہ داران کو چاہیے کہ اساتذہ کے جائز مسائل کا حل ترجیحی بنیادوں پر یقینی بنائیں تاکہ وہ وقار و اطمینان کے ساتھ اپنی تعلیمی و اخلاقی خدمات جاری رکھ سکیں۔
روزنامہ دنیا ایپ انسٹال کریں
