طبی معاون عملے کے خدماتی ڈھانچے کی بہتر ی، وزیر صحت کو خط ارسال
پنگریو (نامہ نگار)سندھ میں طبی معاون عملے کے خدماتی ڈھانچے کو بہتر بنانے کے لیے رکن سندھ اسمبلی سریندر ولاسائی نے صوبائی وزیر صحت عذرا پیچوہو کو خط ارسال کر دیا، جس میں اس شعبے کے ملازمین کو درپیش مسائل اور ان کے حل کے لیے تفصیلی تجاویز پیش کی گئی ہیں۔
خط میں کہا گیا ہے کہ سندھ خصوصاً تھرپارکر جیسے پسماندہ اضلاع میں خدمات انجام دینے والے طبی معاون عملے کے تکنیکی ماہرین دہائیوں سے بنیادی درجہ نو تک محدود ہیں جبکہ دیگر صوبوں میں اسی شعبے سے وابستہ افراد کو بہتر درجات اور واضح ترقی کے مواقع حاصل ہیں۔ سندھ کے اندر بھی بڑے طبی اداروں میں سہولیات اور ترقی کے مواقع بہتر ہونے سے دیہی علاقوں کے عملے کے ساتھ ناانصافی ہو رہی ہے۔خط میں تجویز دی گئی کہ طبی معاون عملے کے تکنیکی ماہرین کی ابتدائی بھرتی کا درجہ 12 کیا جائے۔
روزنامہ دنیا ایپ انسٹال کریں
