پنجاب حکومت تنخواہ میں 20 فیصد اضافہ کرے :ٹیچرز یونین
لاہور(خبر نگار)پنجاب ٹیچرز یونین کے مرکزی صدر رانا انوار الحق، رانا لیاقت، یاسین وڑائچ، طارق زیدی، نادیہ جمشید، زاہد رفیق چودھری، سعید نامدار، میاں ارشد، چودھری محمد علی۔۔۔
اسلم گھمن ، رانا الیاس ، ملک سجاد ، محمد عباس ، مرزا طارق، رانا خالد ، طاہر اسلام ، مصطفیٰ وٹو ، غفار اعوان، اختر بیگ ودیگر نے کہا پنجاب حکومت بجٹ میں اساتذہ و ملازمین کی تنخواہوں و پنشن میں کم از کم 20فیصد اضافہ ،ڈسپیرٹی اور ہاؤس رینٹ میں 30، میڈیکل وکنوینس الاؤنس میں 50 فیصد اضافے کا اعلان کرے جبکہ ملازمین دشمن لیو انکیشمنٹ، پنشن وگریجویٹی کے ظالمانہ نوٹیفکیشنز حسب وعدہ واپس لینے کا اعلان کیا جائے کیونکہ ان کی وجہ سے ملازمین کی زندگیاں اجیرن ہو چکی ہیں۔ مہنگائی میں ہوش ربا اضافے سے ملازمین اور ان کے اہلخانہ فاقہ کشی کا شکار ہیں لہذا حکومت پنجاب نے بجٹ 2025-26 میں اساتذہ و ملازمین کی معاشی محرومیوں کا ازالہ نہ کیا تو احتجاجی لائحہ عمل کا اعلان کریں گے اور اپنے جائز معاشی حقوق کے حصول کیلئے کسی بھی قربانی سے دریغ نہیں کیا جائے گا۔
