ڈاکٹرز کو ٹریننگ کی رجسٹریشن کیلئے رابطے کی ہدایت
لاہور(اپنے سٹاف رپورٹر سے)سیکرٹری محکمہ سپیشلائزڈ ہیلتھ کیئر اینڈ میڈیکل ایجوکیشن عظمت محمود خان نے کارڈیک انسٹی ٹیوشننز کی ٹیچنگ فیکلٹی کی جانب سے لیول 3 اور لیول 4 کی پی جی ٹریننگ میں حصہ نہ لینے کا نوٹس لے لیا۔
ریکارڈ کے مطابق کارڈیک انسٹی ٹیوشننز کی 67 فیصد ٹیچنگ فیکلٹی لیول 3 اور لیول 4 کی پی جی ٹریننگ نہیں کرا رہی۔اس حوالے سے محکمہ سپیشلائزڈہیلتھ کئیراینڈمیڈیکل ایجوکیشن میں اہم اجلاس منعقد ہوا۔اجلاس میں وائس چانسلر فاطمہ جناح میڈیکل یونیورسٹی و صدر سی پی ایس پی پروفیسر خالدمسعودگوندل اور وائس چانسلر یونیورسٹی آف ہیلتھ سائنسزپروفیسر احسن وحید راٹھورکی شرکت۔ اجلاس کے دوران کارڈیک انسٹی ٹیوشننز کی پروفیسر سے اسسٹنٹ پروفیسر تک ٹیچنگ فیکلٹی کو اپنی سپروائزری کی رجسٹریشن کیلئے فوری طورپر یونیورسٹی آف ہیلتھ سائنسزسے رابطہ کرنے کی ہدایت کی گئی۔ٹیچنگ فیکلٹی کی جانب سے لیول 3 اور لیول 4 کی پی جی ٹریننگ میں حصہ لینا ترقی کیلئے لازمی جزو قرار دیا گیا ہے۔
