بجلی کی تقسیم کے نیٹ ورک کی ڈیجیٹلائزیشن کا معاہدہ
لاہور(اپنے کامرس رپورٹر سے )لیسکو اور سینٹر فار انٹیلیجنٹ سسٹمز اینڈ نیٹ ورکس ریسرچ کے درمیان بجلی کی تقسیم کے نیٹ ورک کو ڈیجیٹائز کرنے اور کاربن کے اخراج میں کمی کے حوالے سے ایک اہم معاہدے پر دستخط کیے گئے ۔
اس منصوبے کی گرانٹ جرمن حکومت نے جی آئی زیڈ کے پلیٹ فارم سے فراہم کی ہے ۔ معاہدے کی تکمیل سے لیسکو کو ڈسٹری بیوشن نیٹ ورک کی ڈیجیٹائزیشن، ترسیلی نقصانات میں کمی، بجلی کے معیار میں بہتری اور نیٹ ورک میں شمسی توانائی کے مؤثر استعمال جیسے اہم فوائد حاصل ہوں گے ۔ تقریب میں لیسکو کی جانب سے بورڈ ممبر طاہر بشارت چیمہ، چیف ایگزیکٹو انجینئر محمد رمضان بٹ اور ڈی جی میراڈ محمد حسین، منیجر پلاننگ اینڈ فورکاسٹنگ ارقم الیاس، ڈپٹی منیجر ڈیمانڈ فورکاسٹنگ عمار یوسف کھرل، ڈپٹی منیجر لیگل محمد احمد یوسف اور ڈپٹی منیجر ٹرانسمیشن پلاننگ مظہر حسنین شریک ہوئے ۔ دوسری جانب سی آئی ایس این آراورجی آئی زیڈ کی نمائندگی پروجیکٹ جی آئی زیڈ کے سربراہ جینس برنک مین (جرمنی)، وائس چانسلر یو ای ٹی مردان و سوات ڈاکٹر محمد گل، اور سید فیضان علی شاہ نے کی، جن کے ہمراہ تکنیکی ٹیم کے دیگر ارکان بھی موجود تھے ۔
