اسلامیہ یونیورسٹی سمیت 9جامعات میں ایل ایل بی پر پابندی

ملتان(خصوصی رپورٹر)پاکستان بار کونسل نے اسلامیہ یونیورسٹی بہاولپور اور پنجاب یونیورسٹی سمیت 9یونیورسٹیوں میں ایل ایل بی کورسز پرپابندی لگادی تفصیل کے مطابق پاکستان بار کونسل نے نو یونیورسٹی میں ایل ایل بی پروگرام پرپابندی لگانے کاآفیشل اعلان کردیا ۔
اپنی ویب سائٹ پر جاری پیغام میں کہاگیا ہے کہ ان یونیورسٹیوں میں ایل ایل بی کورسز کرانے کی پابندی ہے اس لئے طلبا اس میں داخلہ نہ لیں ان یونیورسٹیوں میں حیدرآباد انسٹی ٹیوٹ آف لاء، حیدرآباد، گورنمنٹ اسلامیہ لاء کالج، کراچی، ہمدرد یونیورسٹی، کراچی، یونیورسٹی آف سندھ، جامشورو، جامعہ کراچی، کراچی، یونیورسٹی آف پنجاب، لاہور، ہزارہ یونیورسٹی، مانسہرہ، فاطمہ جناح ویمن یونیورسٹی، راولپنڈی اور اسلامیہ یونیورسٹی بہاولپور شامل ہے واضح رہے ایل ایل بی کا کیس سپریم کورٹ میں زیرسماعت ہے ۔