ایران امریکہ کی خبریں، عالمی مارکیٹ میں خام تیل کی قیمتوں میں نمایاں کمی
لندن: (دنیا نیوز) ایران اور امریکہ کے درمیان معاہدے کی خبروں کے دوران عالمی مارکیٹ میں خام تیل کی قیمتوں میں نمایاں کمی ہوگئی۔
برطانوی خام تیل 3 فیصد سستا ہوگیا، جس کی نئی قیمت 87 ڈالر فی بیرل ریکارڈ کی گئی ہے، اسی طرح امریکی خام تیل بھی 3 فیصد سستا ہوکر 85 ڈالر پر آگیا۔
متحدہ عرب امارات کا مربن کروڈ آئل 5 فیصد سستا ہونے کے بعد 83 ڈالر فی بیرل کے حساب سے فروخت ہونے لگا، ماہرین کا کہنا ہے کہ آبنائے ہرمز کھلنے کے بعد تیل کی قیمتیں تیزی کے ساتھ نیچے آئیں گی۔
