ضلع مظفرگڑھ میں شہید اے ایس آئی لطیف اللہ کی برسی ،پولیس افسروں کی قبر پر حاضری،فاتحہ خوانی ،سلامی پیش
میانوالی (نامہ نگار ) ضلع مظفرگڑھ میں شہید ہونیوالے میانوالی کے علاقہ پپلاں کے رہائشی شہید اے ایس آئی لطیف اللہ کی برسی کے موقع پر میانوالی پولیس کے افسروں نے شہید کی قبر پر حاضری دی اور فاتحہ خوانی کی۔۔۔
پولیس کے دستہ نے سلامی پیش کی ،قبر پر چادر چڑھائی اور پھولوں کی پتیاں نچھاور کیں۔اس موقع پر ایس ڈی پی او پپلاں کا کہنا تھا کہ شہداء پولیس چاہے وہ کسی بھی ضلع میں دوران ڈیوٹی شہید ہوئے ہیں وہ ہمارے محکمہ کا قیمتی اثاثہ ہیں۔ انکی قربانیوں کو ہم کسی صورت فراموش نہیں کر سکتے ۔شہید کی برسی کے موقع پر ہم عہد کرتے ہیں کہ شہدا کی فیملیز کو کبھی تنہا نہیں چھوڑیں گے ۔
روزنامہ دنیا ایپ انسٹال کریں
