پتوکی:ڈکیتی مزاحمت پر فائرنگ ،موٹر سائیکل سوار زخمی
پتوکی،قصور ( تحصیل رپورٹر ،نمائندہ دنیا)پتوکی کے نزدیک ملتان روڈ پر ڈکیتی مزاحمت پر ڈاکوؤں کی فائرنگ کے نتیجے میں موٹر سائیکل سوار زخمی ہو گیا۔ عینی شاہدین نے بتایا ڈاکو اپنی بائیک چھوڑ کر متاثرہ شخص سے موٹر سائیکل چھین کر فرار ہوگئے ۔
زخمی کی شناخت 32 سالہ تنویر کے نام سے ہوئی جو ہنجروال چک 31 پتوکی کا رہائشی ہے ۔علاوہ ازیں قصور اور گردونواح میں متعدد وارداتوں میں لاکھوں روپے نقدی ،موبائل فونز، طلائی زیورات اور موٹر سائیکلیں چھین لی گئیں۔ پل اٹاری کرم سنگھ روڈ تلونڈی کے نزدیک سیف اﷲ سے ہزاروں روپے نقدی،موبائل فون ،گجن سنگھ والا چھانگامانگا کے نزدیک محمدعاطف سے نقدی،2موبائل فون اور موٹرسائیکل،سروس روڈ کشمیر چوک قصور کے نزدیک علی رضا سے 15ہزار نقدی اور موبائل فون،گرڈ سٹیشن کھڈیاں کے نزدیک الیاس سے 25ہزار نقدی اور موبائل فون وغیرہ ،گرین سٹی کھڈیاں میں موٹرسائیکل میکینک عدیل کی دُکان سے ہزاروں روپے ،اوسس پارک صدر پھول نگر کے قریب منیراحمد سے 1لاکھ 41ہزار نقدی ،محمد نوید سے ہزاروں روپے نقدی اور موبائل فون ، کینٹ روڈ چونیاں میں فیصل شبیر سے 12ہزار نقدی اور موبائل فون لوٹ لیا گیا۔ چونیاں کے محلہ کمہاراں والا میں اشفاق کے گھر سے 6لاکھ نقدی اور ایک تولہ طلائی زیورات چوری کرلئے گئے ۔ کھارا سے مظفر حسین ،چک نمبر 14چھانگامانگا سے نعیم محمد،گہلن ہٹھاڑ سے محمد احمد،بھیڈیاں چک 35سے سموئیل مسیح کی موٹرسائیکلیں چوری ہو گئیں۔
