ہالینڈ :سفارتحانوں کے باہر قرآن کی بے حرمتی سعودی عرب کی شدید مذمت
دی ہیگ(ایجنسیاں)سعودی وزارت خارجہ نے ہالینڈ کے شہر دی ہیگ میں متعدد سفارت خانوں کے سامنے ایک انتہا پسند گروپ کی جانب سے قرآن پاک کے نسخوں کو شہید کرنے کی شدید مذمت کی ہے ۔
اخبار الشرق الاوسط کے مطابق وزارت نے بیان میں سعودی عرب کی جانب سے اس طرح کے بار بار کیے جانے والے نفرت انگیز اقدامات کو مکمل طور پر مسترد کیے جانے کے موقف کا اعادہ کرتے ہوئے کہا اسے کسی بھی صورت قبول نہیں کیا جاسکتا۔بیان میں کہا گیا کہ اس طرح کے اقدامات واضح طور پر نفرت اور نسل پرستی کو ہوا دیتے ہیں۔یاد رہے کہ ڈنمارک، سویڈن اور ہالینڈ میں حالیہ مہینوں کے دوران عوامی سطح پر مظاہروں کا سلسلہ جاری ہے ۔ قرآن پاک کی بے حرمتی پر مسلم ملکوں میں غم وغصے کی لہر دوڑ گئی ہے ۔
روزنامہ دنیا ایپ انسٹال کریں
