روس نے 2ایرانی ساختہ سمیت 55سیٹلائٹس مدار میں چھوڑ دئیے
ماسکو(اے ایف پی)روس نے گزشتہ روز 55سیٹلائٹس مدار میں چھوڑ دئیے جن میں سے 2ایران کے تیارکردہ تھے ۔
روس کی روسکوسموس خلائی ایجنسی نے بتایا کہ پہلا سویوز راکٹ ماسکو کے وقت کے مطابق دوپہر 2بج کر 18منٹ پر ووسٹوچنی کاسموڈروم سے اڑا،مجموعی طورپر 51 روسی ، ایک روسی چینی،ایک روسی زمبابوے اوردو ایرانی سیٹلائٹ مدار میں چھوڑے گئے ، یہ ایک ساتھ مدار میں بھیجے جانے والے روسی سیٹلائٹس کی ریکارڈ تعداد ہے ۔ایرانی سیٹلائٹس کا مقصد دور دراز علاقوں میں ماحولیاتی نگرانی اور مواصلات میں مدد کرنا ہے ۔ یہ پہلا موقع ہے جب روس نے نجی طور پر بنائے گئے ایرانی سیٹلائٹ لانچ کئے ہیں۔
روزنامہ دنیا ایپ انسٹال کریں
