انگلینڈ اور ویلز میں محمد مقبول ترین نام بن گیا
لندن (رائٹرز)2023میں انگلینڈ اور ویلز میں محمد بچوں کا سب سے زیادہ رکھا جانے والا نام بن گیا۔برطانوی محکمہ شماریات کے مطابق محمد انگلینڈ اور ویلز میں لڑکوں کے لیے مقبول ترین نام بن چکا ہے ۔
اس سے قبل 2022 میں دوسرا جبکہ 2021 میں 5 واں مقبول ترین نام رہا تھا۔2016 سے محمد نام ٹاپ 10 ناموں میں شامل رہا ہے ۔مجموعی طور پر 2023 میں 4600 سے زائد لڑکوں کا نام محمد رجسٹر کرایا گیا ۔نوح 4382 بچوں کے نام کے ساتھ دوسرے نمبر پر رہا۔3556 لڑکیوں کا نام اولیویا رکھا گیا جو مجموعی ناموں میں تیسرے جبکہ لڑکیوں کی فہرست سب سے مقبول نام قرار پایا ۔
روزنامہ دنیا ایپ انسٹال کریں
