ثروت گیلانی منفر د قسم کی رنگین تسبیح بنانے میں ماہر
تسبیح کی ہماری زندگی میں کیا اہمیت ہے ، بچوں کو یہ بتانا ضروری ہے :اداکارہ
لاہور(لیڈی رپورٹر سے ) اداکارہ ثروت گیلانی نے رمضان المبارک کے پیش نظر ماؤں کو بچوں کیلئے منفرد اور رنگین تسبیح بنانا سکھادی،وہ سوشل میڈیا پر شیئر کی گئی اپنی ویڈیوز میں مہارت سے رنگین موتیوں، دھاگے ، اون اور سوئی کی مدد سے بچوں کیلئے تسبیح بناتی دکھائی دے رہی ہیں۔اداکارہ کا کہنا تھا کہ مختلف موتیوں سے تسبیح بنائی جاسکتی ہے ، لاک ڈاؤن کی وجہ سے فارغ وقت میں گھر پر موجود کسی بھی قسم کے موتیوں سے رنگین تسبیح بنائیں اور بچوں کو پڑھنے کی ترغیب دلائیں۔تسبیح کی ہماری زندگی میں کیا اہمیت ہے ، بچوں کو یہ بتانا ضروری ہے ۔
روزنامہ دنیا ایپ انسٹال کریں
