انٹرنیٹ کی سُست رفتاری، حنا خواجہ بیات حکومت پر برس پڑیں
![انٹرنیٹ کی سُست رفتاری، حنا خواجہ بیات حکومت پر برس پڑیں](https://dunya.com.pk/news/2024/August/08-17-24/news_big_images/2393861_47395703.jpg)
کراچی (شوبزڈیسک) اداکارہ حنا خواجہ بیات نے ملک بھر میں انٹرنیٹ کی سُست رفتاری پر حکومت کو آڑے ہاتھوں لے لیا۔
حنا خواجہ بیات نے سوشل میڈیا پر جاری کیے گئے پیغام میں کہا کہ ایک طرف، ہم اپنی بگڑتی ہوئی معیشت کا رونا روتے ہیں اور دوسری طرف حکومت نے ملک بھر میں انٹرنیٹ کی رفتاری سُست کردی ہے۔ انٹرنیٹ کی سُست رفتاری اور بار بار بندش کی وجہ سے لوگوں کے کاروبار متاثر ہورہے ہیں، اس طرح تو لوگ روزگار سے محروم ہو جائیں گے ۔حکومت کا دعویٰ ہے کہ وہ ملکی معیشت کو بہتر کرنے کے لیے کام کر رہی ہے، کیا انٹرنیٹ بند کرکے معیشت بہتر ہوگی؟ آخر آپ کیا چاہتے ہیں؟ آپ کو کس بات کا خوف ہے کہ آپ ٹیکنالوجی کے اس جدید دور میں ہمیں انٹرنیٹ سے محروم کررہے ہیں۔ حنا خواجہ بیات نے حکومت پر برہم ہوتے ہوئے کہا کہ آپ معیشت اور کاروبار کو تباہ کر رہے ہیں، کیا آپ پاکستان کو ختم کرنا چاہتے ہیں؟