’’بدوبدی‘‘ پر ویڈیو کیوں بنائی؟ وارث بیگ کا وسیم سے شکوہ
لاہور(شوبزڈیسک) پاکستانی میوزک انڈسٹری کے لیجنڈری گلوکار وارث بیگ نے ’بدو بدی‘ پر ویڈیو بنانے پر سوئنگ کے سلطان اور۔
سابق کرکٹر وسیم اکرم سے شکوہ کردیا۔ اداکار و میزبان احمد علی بٹ کے پوڈکاسٹ میں وارث بیگ نے میزبان کی جانب سے پوچھے گئے ایک سوال کے جواب میں کہا کہ آج کے دور میں لوگ موسیقی سیکھنا ہی نہیں چاہتے بلکہ اگر کسی کی تھوڑی سی آواز اچھی ہو تو وہ خود کو گلوکار سمجھنے لگتا ہے ۔ ہمارے یہاں لوگ استادوں کے پاس جانا نہیں چاہتے بلکہ سوشل میڈیا کے اس دور نے تو چاہت فتح علی جیسے لوگوں کو گلوکار بنا دیا ہے ۔گلوکار نے وسیم اکرم کی ’بدوبدی‘ ویڈیو پر تبصرہ کرتے ہوئے کہا کہ مجھے وسیم اکرم سے شکوہ ہے کہ انہوں نے چاہت کے ’بدوبدی‘ پر تو ویڈیو بنا لی لیکن کبھی میڈم نور جہاں کے کسی گانے پر ویڈیو نہیں بنائی۔ چاہت کو چاہت ہی رہنے دیں، وہ فتح علی خان نہیں ہیں، یہ نام انہوں نے خود لگا لیا ہے ، انہیں فتح علی خان نہیں بنائیں۔
