نیٹ فلکس ڈاؤن، سوشل میڈیا پر شکایتوں کا طوفان آگیا
واشنگٹن(شوبزڈیسک)معروف امریکی سٹریمنگ پلیٹ فارم نیٹ فلکس باکسنگ ایونٹ کے دوران ڈاؤن ہوگیا جس نے شائقین کو مایوس کردیا۔
غیر ملکی میڈیا رپورٹس کے مطابق نیٹ فلکس پر جمعہ کے روز مائیک ٹائسن اور جیک پال کے درمیان ہونے والے باکسنگ کے لائیو ایونٹ کے دوران نیٹ فلکس اسٹریمنگ کے مسائل کا شکار ہوگیا جس سے صارفین تشویش میں پڑگئے ۔آرلنگٹن، ٹیکساس کے اے ٹی اینڈ ٹی سٹیڈیم میں ہونے والے اس مقابلے سے پہلے ہی صارفین نے ویڈیو کے معیار میں خرابی، پکسلز پھٹنے، اسٹریمنگ رکنے اور حتیٰ کہ ایپ کے کریش ہونے کی شکایت کی۔ صرف امریکہ میں ہی نیٹ فلکس کے ڈاؤن ہونے کی 80 ہزار سے زائد رپورٹس ریکارڈ کی گئیں جبکہ سوشل میڈیا پلیٹ فارم ایکس پر بھی ہیش ٹیک نیٹ فلکس کریش ٹرینڈ کرنے لگا۔ایکس پر صارفین نے باکسنگ میچ کے دوران ویڈیوز کی خرابی سے متعلق ‘جی آئی ایف’ اور تصاویر شیئر کیں جس پر طنزیہ تبصرے بھی کئے گئے اور سٹریمنگ ویب سائٹ پر شدید تنقید کیا گئی۔
