زیادتی کے مجرموں کو نامرد بنانیکا قانون لایا جائے :پریتی
ممبئی(شوبزڈیسک)بھارتی اداکارہ پریتی زنٹا نے بھارتی حکومت سے مطالبہ کیا ہے کہ وہ جنسی جرائم میں ملوث افراد کو نامرد بنانے کا قانون لایا جائے۔
پریتی کا بیان ایسے وقت میں سامنے آیا ہے جب اطالوی وزیراعظم جیورجیا میلونی کی جانب سے اپنے ملک میں جنسی جرائم میں ملوث مجرمان کو نامرد بنانے کا قانون لانے کی مہم جاری ہے۔ پریتی نے اس اقدام کو سراہتے ہوئے بھارتی حکومت سے بھی اسی طرح کا قانون لانے کا مطالبہ کیا۔ ایکس پر اپنے پیغام میں پریتی کا کہنا تھا کہ ‘یہ ایک عمدہ اقدام ہے۔ امید ہے کہ بھارتی حکومت بھی کبھی نا کبھی اس طرح کا اقدام کرے ۔انہوں نے مداحوں سے سوال بھی کیا، ‘آپ لوگوں کا کیا خیال ہے ، یہ اس طرح کے جرائم کیلئے عدم برداشت کا اچھا وقت ہے۔
روزنامہ دنیا ایپ انسٹال کریں
